Kan sianginn ah kan siangngakchia hna cu a himmi le a dammi lam in online vawlei ah an kal khawhnak hnga bawmh a biapituk ti kha kan hngalhthiam. Technology a tthancho chin lengmang bantuk in, kan fale kha theihhngalhnak a ngeimi le tuanvolak a thiam mi digital rammi si khawhnak ding caah an herhmi thiamnak pek cu a hlan nakin a biapi deuh cang.

July 31, Cawn Nili ni zanlei 6:30pm in 8:00pm tiang ‘Cyber ​​Himnak Theihternak’ zanlei kan tuah lai ti thawng kan thanh hna. Hi program cu chungkhar hna nih an fale online hmannak ‘timhtuahnak, khamnak le kilven’ awk le an digital damnak dihlak bawmhchanh awkah timhtuahnak a ngei mi asi. Cu zanlei caah kan chimtu hna cu Cyber Safety Project lei in an si lai, annih cu hi lei ah thiamsang an si.

Zanlei caah caan kal ning cu:

6:30pm – Nulepa/Zohkhenhtu an phan. Rawl tlawmpal pek an si.

6:45pm – Session 1: Duh deuhmi holh phu in chimrelnak

7:45pm – Session 2: Q&A (Biahalnak le lehnak)

8:00pm – A donghnak

September 11 ah kan Tang 7 siangngakchia hna he Cyber ​​Himnak Fimcawnnak zong kan tuah lai, cucaah online himnak a biapitnak kha fehter awk le inn ah biaruahnak pehzulh khawhnak caah bawmtu a si lai.

Rawlchuannak le ṭhutnak timhtuahnak a herh caah July 28, Monday hlan ah thawng kan thanh ṭhan.

Hihi Nulepa/Zohkhenhtu kong theihternak caan a si caah siangngakchia hna cu i tel a hau lo ti kha philh lo ding in kan in duh piak hna.

Biahalnak le lungretheihnak na ngeih ahcun, kanmah he pehtlaihnak  tuah hrim hrim ding in thazang kan in pek.

Pehzulh in thazaang nan ka pek caah kan i lawm.